Seksjon for kulturarv ved Vestland fylkeskommune har gjennomført ei arkeologisk registrering i samband med detaljregulering for E39 Vågsbotn - Klauvaneset, Bergen kommune. Registreringa vart utført av Eivind Magnus Færøy Krag, Robert Hansen, Robert Stormark, Siv Skjelbred Rise og Joakim Antonesen, i perioden 14.05. – 20.10.2025. Etterarbeidet og rapport er utført av Krag. Det vart funne 12 automatisk freda lokalitetar, frå steinalder, jarnalder og mellomalder. Lokalitetane er lagt inn i Askeladden med id. nummer 336473 – 336484

I samband med søknad om nydyrking av areal på gbnr. 54/6 & 8 har seksjon for kulturarv ved Vestland fylkeskommune gjennomført ei kulturhistorisk registrering med siktemål å kartleggje eventuell konflikt med automatisk freda kulturminne i tiltaksområdet. Registreringa vart utført av Per Christian Burhol, Lars Jølle Berge og Ragnhild Egeland Torp 11.12.24 & 13.8.25. Rapporten er skriven av Per Christian Burhol. Under registreringa vart det opna to sjakter med gravemaskin, kor ein var funnførande. Det vart grave 9 prøvestikk kor alle var negative. Den arkeologiske registreringa gav funn av eit automatisk freda kulturminne. Frå før var det dokumentert fleire strukturer i profil i gravearbeid igangsatt før synfaring 11.12.24. Dette gravearbeidet var igangsatt grunna vasslekkasje. Dette er skildra i synfaringsnotat dagset 13.12.24

I samband med kulturminneregistreringa av planlagt kraftlinje mellom Reed og Sandane vart det gjort funn av eit automatisk freda kulturminne. Det er dyrkingslag frå eldre jarnalder, nærare bestemt frå eldre og yngre romartid. Tiltaks området vart undersøkt ved overflateregistrering , supplert med graving av prøvestikk, der det primært vart leita etter kulturminn e som har samanheng med jordbruk og gardsbusetnad i jarnalder og mellomalder. Fire område med kulturminne frå nyare tid vart påvist. 33 nyare tids kulturminne i form av tufter, rydningsrøyser steingardar vart funne.

I alt vart det registrert 15 automatisk freda kulturminneområde innanfor tiltaksområdet. Dei har nemninga lok 1 - 15. Planområdet vart undersøkt ved maskinell sjakting der det primært vart leita etter dyrkingsspor og busetnadsspor frå bronse - , jarn - og mellomalder. Det vart påvist dyrkingslag i dei aller fleste sjaktene. Enkelte stader var det fleirfasa dyrkingslag. På tre lokalitetar vart det i tillegg påvist rydningsrøyser. Ein av desse strukturar kan pga. storleiken vere ei gravrøys, sjå lok 3. Det vart påvist tre lokalitetar med kokegroper, der lok 11 inneheld ein stor struktur. Kabeltraseen går gjennom eit særs godt jordbruksområde. Her er tidlegare registrert gravminne, og tre av desse er markert på oversiktskarta

I alt vart det registrert 8 automatisk freda kulturminneområde innanfor tiltaksområdet. Dei har nemninga lok 1-8 Reed. Tiltaksområdet vart undersøkt ved maskinell sjakting der det primært vart leita etter dyrkingsspor og busetnadsspor frå bronse-, jarn- og mellomalder. Det vart påvist automatisk freda kulturminneområde i dei aller fleste sjaktene. Det er påvist eit område med busetnadsområde – gardstun – frå eldre bronsealder. Vidare er det kokegroplokalitetar. Det vart fleire stader påvist dyrkingsspor, det vil seie gamle åkrar frå tidleg i eldre jarnalder og frå seinmellomalderen. VA-grøft går gjennom eit svært godt jordbruksområde. Det er såleis ikkje uventa at det vart påvist så stor tettleik av kulturminneområde knytt til jordbruk. Dei funnførande områda strekker seg utanfor dei opna sjaktene.

I alt vart det registrert eitt automatisk freda kulturminne innanfor planområdet. Planområdet vart undersøkt ved overflateregistrering supplert med graving av prøvestikk, der det primært vart leita etter busettingar frå steinalderen. Fire dagsverk vart nytta i felt og 26 timar er nytta på førebuing og etterarbeid. Ei C14 prøve er sendt inn til datering. Automatisk freda kulturminne er påvist på ei lokalitetsflate. Totalt vart ein førhistoriske struktur påvist.